გიორგი ვოლსკი საქართველოში მძიმე დანაშაულების შემცირებაზე საუბრობს
© Sputnik
„კრიმინალთან დაკავშირებით ოფიციალური სტატისტიკის სანდოობაში ეჭვი არავის შეუტანია და ამის საფუძველი არ არსებობს, ვინაიდან საერთაშორისო რეიტინგებშიც საკმაოდ მაღალი ადგილი უკავია საქართველოს. ფაქტია, რომ 2,5-ჯერ, თუ მეტი არა, შემცირდა ყველა სახის მძიმე დანაშაული, როგორიც არის მკვლელობა, მკვლელობის მცდელობა, დაყაჩაღება და სხვა“, – განაცხადა ვოლსკიმ „TV პირველის“ ეთერში.
საქართველოში გაზრდილ კრიმინალზე ოპოზიცია კიდევ ერთხელ მას შემდეგ ალაპარაკდა, რაც ზუგდიდში „საქართველოს ბანკის“ ერთ-ერთ ფილიალში მძარცველი შეიჭრა, მძევლები აიყვანა და მოთხოვნილი ნახევარი მილიონი დოლარის მიღების შემდეგ მიმალვა შეძლო.