ცნობილ მოდელს ელენე მახარაშვილს ფილმში იღებენ, სადაც კადრებში, სავარაუდოდ, შიშველი გამოჩნდება. ფილმის გადაღების პროცესი ასევე მოდელმა და მისმა მეგობარმა ნინი ნებიერიძემ „ინსტაგრამის“ გვერდზე განათავსა. გადაღებები საბერძნეთში, ერთ-ერთ კუნძულზე მიმდინარეობს და გოგონები თითქმის ორი თვეა იქ არიან.
ელენე მახარაშვილი და ნინი ნებიერიძე წლებია ოჯახებით მეგობრობენ. ნინი ნებიერიძე დაოჯახებულია მილიონერ თემურ უგულავაზე და ორი შვილი – თემურიკო და ტოკიო ჰყავს. რაც შეეხება ელენეს, მისი მეუღლე ცნობილი ქართველი მსახიობი ირაკლი კვირიკაძეა. წყვილი ამერიკაში, ლოს-ანჯელესში ცხოვრობს და ზაფხულს ყოველთვის საქართველოში, ახლობლების გარემოცვაში ატარებს.
მსახიობმა ირაკლი კვირიკაძემ, რომელიც პოპულარული რეზო გიგინეიშვილის ფილმ „მძევლების“ შემდეგ გახდა, მოდელ ელენე მახარაშვილზე ორი წლის წინ ნიუ-იორკში იქორწინა. ირაკლი კვირიკაძე მსახიობ ნინო ქორიძის უფროსი ვაჟია და ცნობილი არქიტექტორის, „ღიმილის ბიჭების“ ვარსკვლავ კახა ქორიძის უფროსი შვილიშვილი.