თბილისი, 16 ოქტომბერი – Sputnik. დედაქალაქის ერთ-ერთმა უმსხვილესმა სავაჭრო ცენტრმა „თბილისი ცენტრალმა“ მუშაობა განაახლა, აცნობეს „Sputnik–საქართველოს“ სავაჭრო ცენტრის ადმინისტრაციაში.
რაც შეეხება ე.წ. „ოქროს ბირჟას“, რომელიც სავაჭრო ცენტრის პირველ სართულზეა განთავსებული და სადაც კორონავირუსით ინფიცირების რამდენიმე ფაქტი გამოვლინდა, ის მუშაობას 1 ნოემბრიდან განაახლებს.
ე.წ. „ოქროს ბირჟის“ რამდენიმე თანამშრომელს კორონავირუსი 6 ოქტომბერს დაუდასტურდა, რის გამოც მუშაობა მთლიანად სავაჭრო ცენტრმა შეაჩერა. „თბილისი ცენტრალში“, სადაც რამდენიმე ბრენდული მაღაზია მდებარეობს, სადეზინფექციო სამუშაოები ჩატარდა.