თბილისი, 8 ოქტომბერი – Sputnik. თბილისის მეტროს მეორე, საბურთალოს ხაზზე სადგურ „სახელმწიფო უნივერსიტეტიდან“ „ვაჟა-ფშაველამდე“ მატარებლების მოძრაობა შეფერხებულია, იუწყება ტელეკომპანია იმედი.
ტექნიკური სამსახურის თანამშრომლები შექმნილი ხარვეზების გამოსწორებას და მოძრაობის აღდგენას ცდილობენ. მათი განცხადებით, სადგურებს შორის მატარებლების მოძრაობა მალე აღდგება.
თბილისის მეტროში მატარებლების მოძრაობა შეჩერებული იყო>>
მეტროს დანარჩენი სადგურები ამჟამად ჩვეულ რეჟიმში მუშაობს.
გუშინ პრობლემები შეიქმნა მეტროს პირველ ხაზზე – სადგურ „ვარკეთილიდან“ „300 არაგველამდე“ მატარებლების მოძრაობა ტექნიკური ხარვეზების გამო დაახლოებით ერთი საათის განმავლობაში შეჩერებული იყო.