თბილისი, 25 სექტემბერი — Sputnik. მომღერალ ზურა დოიჯაშვილის მეგობრები სოციალურ ქსელში მიმართვას ავრცელებენ და ხელისუფლებასა და საზოგადოებას დახმარებას სთხოვენ.
მომღერალი ისრაელის კლინიკაში აპარატზეა შეერთებული. მისი მდგომარეობა მძიმეა.
მომღერლის მეგობრის ვალერი მურღულიას თქმით, დოიჯაშვილი ხუთი თვეა თელ-ავივის კლინიკაში აპარატზეა მიერთებული და სიკვდილს ებრძვის.
2019 წლის ოქტომბერში ზურა დოიჯაშვილი გულის შეტევით საქართველოშიც იყო მოთავსებული კლინიკაში. მომღერალს შუნტირება აქვს გაკეთებული. ისრაელში კი ამას ფილტვების პრობლემაც დაერთო, სადაც ის ჯანმრთელობის მდგომარეობის გაუმჯობესებისთანავე სამუშაოდ წავიდა და აეროპორტში მუშაობდა.