თბილისი, 21 სექტემბერი — Sputnik. კომპანიამ Baykar Defense სტამბულში თურქული მფრინავი ავტომობილის Cezeri-ს პირველი გამოცდა ჩაატარა, იუწყება გამოცემა Global News.
გავრცელებული ინფორმაციით, Cezeri-ს პროტოტიპი ტესტირებისას 10 მეტრ სიმაღლეზე აფრინდა, თუმცა მისი შემდგომი დახვეწის შემდეგ ის 2 ათას მეტრამდე სიმაღლეზე იფრენს საათში 100 კმ სიჩქარით.
კომპანიაში აღნიშნავენ, რომ ავტომობილის შემდეგი ტესტირება უკვე პილოტთან ერთად ჩატარდება.
როგორც Baykar Defense-ში იმედოვნებენ, მათი ავტომობილი ბაზარზე 10–15 წელიწადში გამოვა.