თბილისი, 19 სექტემბერი - Sputnik. პოლიციის თანამშრომლებმა იმერეთში დააკავეს წარსულში ნარკოდანაშაულისთვის ნასამართლევი 51 წლის მამაკაცი - ამჯერადაც ნარკოტიკების გასაღების ბრალდებით, ნათქვამია შსს-ს ვებგვერდზე გავრცელებულ განცხადებაში.
შსს-ს მონაცემებით, მამაკაცი ნარკოტიკების რეალიზაციას სისტემატიურად ახორციელებდა. დანაშაულის ფაქტის დამტკიცების მიზნით ოპერმუშაკებმა მასთან რამდენიმე საკონტროლო შესყიდვა განახორციელეს, რომელიც ვიდეოზე აღბეჭდეს.
საკონტროლო შესყიდვების დროს გაყიდული, „ბუპრენორფინის“ შემცველი ნარკოტიკული საშუალება „სუბოქსინის“ 2 აბი, ამავე ნარკოტიკის 2 აბის ნატეხები და ფხვნილი პოლიციამ ნივთმტკიცებად ამოიღო.
გამოძიება ნარკოტიკული საშუალების უკანონო შეძენა-შენახვისა და გასაღების ფაქტზე გამოძიება საქართველოს სსკ-ის 260-ე მუხლის პირველი და მეოთხე ნაწილებით მიმდინარეობს, რაც 6-დან 11 წლამდე პატიმრობას გულისხმობს.