ნებისმიერი ჩვენგანი ოცნებობს, რომ 50 წლის შემდეგაც ისევ ახალგაზრდად და ჯანსაღად გამოიყურებოდეს. სპეციალისტები ამბობენ, რომ ახალგაზრდობის გახანგრძლივებას და კანის კარგ ფორმაში შენარჩუნებას ხარისხიანი მოვლა, ცხოვრების ჯანსაღი წესი, გენეტიკა და წყლის სმის სწორი რეჟიმი უწყობს ხელს. თუმცა არსებობს კიდევ ერთი ძალიან მნიშვნელოვანი ფაქტორი — გარკვეული პროდუქტები, რომლებსაც შეუძლია შეამციროს ნაოჭები, გახადოს კანი სუფთა და დაიცვას ის ნაადრევი დაბერებისგან.
ქვემოთ გაგაცნობთ, რა პროდუქტების მიღებას გვირჩევენ ექსპერტები იმისთვის, რომ დრო უკან დავაბრუნოთ.
ავოკადო
ავოკადო შეიცავს განსაკუთრებული ფორმის უჯერ ცხიმებს, რომლებიც ადვილად აღწევს უჯრედულ მემბრანებში, იცავს რა მათ დნმ-ს გარემოს აგრესიული ზემოქმედებისგან. შედეგად, კანი ხდება უფრო ელასტიკური და აქვს ლამაზი ბრწყინვალება.
დაამატეთ ავოკადო სალათებს, როლებს, ან თუნდაც დილის ტოსტს — ეს არა მარტო გემრიელია, არამედ ძალიან სასარგებლოც.
გოგრის თესლი
ამ საკმაოდ ბიუჯეტურ პროდუქტს შეუძლია შეამციროს ნაოჭების რაოდენობა და აკნეს შემდგომი ნაწიბურებიც კი გააფერმკრთალოს. და ეს ყველაფერი თუთიის, გოგირდის, E ვიტამინისა და ომეგა-3 მჟავების მაღალი შემცველობის წყალობით.
თუ მათ რეგულარულად მიიღებთ, კვირაში თუნდაც ორ-სამჯერ, გაზრდით კანის რეგენერაციის სიჩქარეს, ანთება და „პრიშჩიკები“ კი უფრო სწრაფად განიკურნება.
მნიშვნელოვანი მომენტი: გოგრის თესლი ნედლი სახით უნდა მიიღოთ და არა მოხალული. თერმული დამუშავება უჯერ ცხიმოვან მჟავებს შლის.
ცხიმიანი თევზი
ომეგა-3, რომელიც ზღვის ცხიმიანი სახეობის თევზებში გვხვდება, კანის უჯრედებში იზიდავს და ინარჩუნებს ტენიანობას, რაც შემდგომში ხელს უწყობს წვრილი ხაზებისა და მიმიკური ნაოჭების გასწორებას.
თევზი ასევე სასარგებლოა მათთვის, ვინც აქტიურად ებრძვის სტრიებსა და ცელულიტს. იგივე უჯერი ცხიმოვანი მჟავების წყალობით იზრდება კანის ელასტიკურობა და ორგანიზმში ცხიმების ცვლა რეგულირდება.
ზღვის ეს პროდუქტები შეიცავს უამრავ სელენიუმს, რაც დადებითად მოქმედებს ეპიდერმისში ელასტინის სინთეზზე, ანუ აუმჯობესებს კანის ტურგორს და კარგად ამკვრივებს მას. საკმაოდ ძვირადღირებული მიდიებისა და ხამანწკების გარდა, სელენიუმით მდიდარია ბრაზილიური კაკალი, კონსერვირებული თინუსი, უცხიმო ხაჭო და ინდაური.
პარკოსნები
კანის კოლაგენური ბოჭკოები შედგება ამინომჟავებისგან, რომლებიც ცილოვან პროდუქტებში გვხვდება. ეს ბოჭკოები სახის მკაფიო ოვალს უზრუნველყოფს და იცავს კანს ასაკობრივი მოდუნებისგან.
სწორედ ამიტომაა მნიშვნელოვანი ცილების შემცველი საკვების მიღება. უპირატესობა მიანიჭეთ კვერცხს, ფრინველის ხორცს, უცხიმო, მჭლე ხორცს, ტოფუს და ყველანაირ პარკოსანს: ლობიოს, ოსპს, მუხუდოს და ა.შ.
ბაღჩის პომიდორი
ქიმიკატების გარეშე მოყვანილ პომიდორს აქვს ძლიერი უჯრედული დაცვა — SPF-ფაქტორის მსგავსი. მასში შემავალი ნივთიერება ლიკოპენი ეპიდერმისის დამცავ მექანიზმებს ააქტიურებს, რასაც თავის მხრივ მინიმუმამდე დაჰყავს UVA და UVB გამოსხივების მავნე ზემოქმედება.
C და E ვიტამინები
C ვიტამინი მნიშვნელოვან როლს ასრულებს კანის თვითაღდგენისა და თვითგანახლების უნარში. ის გვხვდება ისპანახში, ბულგარულ წიწაკაში, ბროკოლიში, მარწყვში, პაპაიასა და ფორთოხალში.
სხვათა შორის, პაპაია ასევე შეიცავს ვიტამინ E-ს, რომელიც სამართლიანად მიიჩნევა ახალგაზრდული კანის ერთ-ერთ მთავარ დამცველად.
დაამატეთ რაციონს ზეითუნის ზეთი, ნუში და კივი — ეს პროდუქტები დაეხმარება კანს, წინ აღუდგეს თავისუფალი რადიკალების აგრესიულ მოქმედებებს.