კილაძე: ელექტრონული სამაჯურის გამოყენება მსხვერპლისთვის გარანტია იქნება
© Sputnik
„თუ გარემოებათა ერთობლიობით შეიძლება დაასკვნას სამართალდამცველმა ორგანომ ან მსხვერპლმა, რომ შემაკავებელი ორდერის გამოწერის მიუხედავად საშიში სიტუაციაა, ასეთ შემთხვევაში სამაჯურის ტარება უკვე გარანტიაა იმისა, რომ არც ერთ შემთხვევაში არ მოხდება მსხვერპლის დაზიანება, ან, უფრო უარესი – მისი მკვლელობა“, – ამბობს კილაძე.
საქართველოს სისხლის სამართლის კოდექსში 1 სექტემბრიდან შევიდა ცვლილებები, რომლის თანახმად, ოჯახურ ძალადობაში ბრალდებულებს, რომლებსაც ოჯახის წევრებთან მიახლოების უფლება არ აქვთ, ელექტრონული სამაჯურების დახმარებით გააკონტროლებენ.