თბილისი, 26 აგვისტო — Sputnik. რუსეთი ყაზახეთს ახალი ტიპის კორონავირუსის საწინააღმდეგო ვაქცინის Спутник V-ს 2 მლნ დოზაზე მეტს მიაწვდის, განაცხადა პირდაპირი ინვესტიციების ფონდის ხელმძღვანელმა კირილ დმიტრიევმა.
გარდა ამისა, როგორც დმიტრიევი განმარტავს, იგეგმება საკითხის განხილვა, რომელიც მიწოდების 5 მლნ დოზამდე გაზრდას შეეხება.
აღსანიშნავია, რომ ყაზახეთის ის მოქალაქეები, რომლებიც რისკის ჯგუფებში შედიან, უფასოდ და ნებაყოფლობით აიცრებიან რუსული ვაქცინით მას შემდეგ, რაც პრეპარატი კლინიკური კვლევების ყველა ეტაპს წარმატებით გაივლის.
მანამდე ცნობილი გახდა, რომ რუსეთმა და ყაზახეთმა შეთანხმება გააფორმეს იმასთან დაკავშირებით, რომ გამოცდების დასრულების შემდეგ ყაზახეთი გარანტირებული რაოდენობის ვაქცინას მიიღებს.
რუსეთმა პირველმა მსოფლიოში დაარეგისტრირა კორონავირუსული დაავადება COVID-19-ის ვაქცინა, რომელიც გამალეის სახელობის ცენტრში შეიქმნა რუსეთის პირდაპირი ინვესტიციების ფონდის მხარდაჭერით.