თბილისი, 24 აგვისტო — Sputnik. სამხრეთ აფრიკაში, ლეტსენგის საბადოზე მსოფლიოს ერთ-ერთი ყველაზე მსხვილი ალმასია ნაპოვნი, იუწყება ბრიტანული კომპანია Gem Diamonds Ltd, რომელიც საბადოზე მუშაობს.
გავრცელებული ინფორმაციით, ალმასის ზომა 442 კარატია.
„ეს მიმდინარე წელს ნაპოვნი ერთ-ერთი ყველაზე დიდი ზომის ალმასია, რაც ლეტსენგის საბადოს მნიშვნელობას ადასტურებს. ამ ადგილზე უკვე არაერთხელ აღმოაჩინეს დიდი ზომისა და მაღალი ხარისხის ძვირფასი ქვები“, — განაცხადა Gem Diamonds-ის პრეზიდენტმა კლიფორდ ელფიკმა.
ექსპერტების შეფასებით, ალმასის ფასი მისი დამუშავება–დაწახნაგების შემდეგ 18 მილიონ დოლარს მიაღწევს.