თბილისი, 20 აგვისტო – Sputnik. ჯონს ჰოპკინსის უნივერსიტეტის მონაცემებით, ამერიკის შეერთებულ შტატებში ახალი კოროვირუსით ინფიცირების შემთხვევების რაოდენობამ 5,5 მილიონს გადააჭარბა, გარდაიცვალა 172 ათასზე მეტი ადამიანი.
უნივერსიტეტის სტატისტიკის თანახმად, შეერთებულ შტატებში COVID-19-ით ინფიცირების რეგისტრირებული შემთხვევების რაოდენობა 5 507 556 ადამიანს შეადგენს, თითქმის 1,9 მილიონი ადამიანი გამოჯანმრთელდა, გარდაიცვალა 172 511 პაციენტი.
ჯანმოს უახლესი მონაცემებით, 20 აგვისტოს დილისთვის მსოფლიოში ახალი ტიპის კოროვირუსით ინფიცირების დაფიქსირებული შემთხვევების საერთო რაოდენობაა 21 989 366 ადამიანი, გარდაიცვალა - 775 893.
11 მარტს ჯანმრთელობის მსოფლიო ორგანიზაციამ ახალი კოროვირუსული ინფექციის COVID-19-ის აფეთქება პანდემიად გამოაცხადა.