ნონა ეფაძე – ქობულეთში „ჰავანას“ კლასტერი შესაძლოა გაიზარდოს

„54 პირია სულ გადაყვანილი საკარანტინო სივრცეში. ამაში შედის პირველ დღეს გადაყვანილიც და დანარჩენი იქნა გუშინ გადაყვანილი. მეთვალყურეობა გრძელდება. ამასთან, დამატებით 25 ნიმუში იყო აღებული და ველოდებით ლაბორატორიული კვლევის შედეგებს. კარანტინში მყოფი პირების უმრავლესობა გახლავთ კაფეს თანამშრომლები, რომელთაც მცირედი სარისკო კონტაქტი ჰქონდათ ერთმანეთთან“, – განაცხადა ნონა ეფაძემ.

აჭარის საზოგადოებრივი ჯანმრთელობის ცენტრის დირექტორის მოადგილის განმარტებით, ძალაში რჩება რეკომენდაცია და მოწოდება – მსურველებს, რომლებიც მიიჩნევენ, რომ ჰქონდათ ამ კაფესთან ან აღნიშნულ პირებთან რაღაც სახის კონტაქტი, შეუძლიათ PCR–კვლევა ჩაიტარონ ქობულეთშივე.