თბილისი, 15 აგვისტო — Sputnik. ქობულეთში ძლიერმა წვიმამ პრობლემები შექმნა, იუწყება აჭარის ტელევიზია.
კოკისპირული წვიმის შედეგად რუსთაველის ქუჩისა და ე.წ. ძველი საავადმყოფოს უბანში ხუთი საცხოვრებელი სახლი დაიტბორა. ნალექმა პრობლემები შეუქმნა სადგურის მიმდებარე რამდენიმე ქუჩის მოსახლეობასაც.
ქობულეთის მერიის ინფორმაციით, შემთხვევის ადგილებზე შესაბამისი სამსახურის თანამშრომლები არიან გასული და ზარალს სწავლობენ.