ოთო ფოლადაშვილის პირადი ცხოვრების გარშემო მითქმა-მოთქმა არ წყდება. პოპულარულ მოცეკვავეს რამდენიმე რომანს აბრალებდნენ. ერთ-ერთი ყველაზე ხმაურიანი ჯულიანა ბარგნარსა და ოთოს შორის დაწყებული ურთიერთობა აღმოჩნდა. აღმოჩნდა, რომ საცეკვაო წყვილი მხოლოდ თანამშრომლობს და ისინი ნაწილობრივ ბიზნეს-პარტნიორები არიან. მათ შორის ცეცხლოვანი რომანი არასდროს განვითარებულა. ჯულიანა ბარგნარის და ოთო ფოლადაშვილის წყვილი მთელმა საქართველომ გაიცნო პროექტიდან "ცეკვავენ ვარსკვლავები". დროთა განმავლობაში ისინი ერთმანეთის ცხოვრების ისეთივე განუყრელი ნაწილი გახდნენ, როგორც ცეკვაში. ოთომ და ჯულიანამ პოპულარობა დიდი პროფესიონალიზმის, ულევი ენერგიისა და შარმის ხარჯზე მოიხვეჭეს. საზოგადოებამ მათი ცეკვა უფრო და უფრო შეიყვარა, რადგან ყოველი ახალი გამოსვლა ერთ დიდ ზეიმს ჰგავს.
საცეკვაო სტუდიის ქორეოგრაფები მხოლოდ მეგობრობენ. ფანებმა რამდენჯერმე ოთო ფოლადაშვილი სხვა მომხიბლავ ქალბატონთან ერთად სხვადასხვა კონცერტებზე დააფიქსირეს. წარმატებული მოცეკვავე პირად ცხოვრებაზე საჯაროდ არასდროს საუბრობს. ახლა კი საკუთარ ინსტაგრამზე უსაყვარლესი ფოტო-ვიდეო გამოაქვეყნა. „ჩემი მიმი დედა გახდა“ - დიდი სიხარულით წერს ოთო. „ცეკვავენ ვარსკვლავების“ გამორჩეულ მოცეკვავეს ცხოველები ძალიან უყვარს. მას ულამაზესი ძაღლი ჰყავს, რომელსაც დიდი მონდომებით უვლის. მათ ოჯახს ოთხი წევრი შეემატა. შინაურმა ცხოველმა სახელად მიმიმ ვეტერინარების დახმარებით 4 ლეკვი გააჩნა. ოთო ფოლადაშვილი ემოციებს ვერ მალავს. „4 თოვლის გუნდა შემოგვემატა“ - წერს ის სოციალური ქსელის ოფიციალურ გვერდზე. პატარა ლეკვებსა და მათ ულამაზეს დედას თვალს ვერ მოსწყვეტთ.
ქართულ ტელესივრცეში ოთო ფოლადაშვილი გამორჩეულ ვარსკვლავად იქცა. მის ცხოვრებაში წარმატება მოულოდნელად მოვიდა, როდესაც პირველად მეგა-პროექტ „ცეკვავენ ვარსკვლავებში“ გამოჩნდა. ქორეოგრაფი აღნიშნავს, რომ ძალიან იღბლიანია. თუმცა მისი წარმატება არა იღბალს, არამედ დიდ შრომას უკავშირდება. აღსანიშნავია, რომ გასართობ არხ „მარაოზე“ ოთარ ფოლადაშვილის გადაცემა „რეიტინგი“ დიდი წარმატებით გადიოდა.