მცხეთის კლინიკის დირექტორი: „COVID - თან მიმართებაში უფრო გავთამამდით“
© Sputnik
„ამ ეტაპზე არ შეგვიძლია ვისაუბროთ მეორე ტალღის დაწყებაზე, თუმცა შემთხვევების მატება გვაქვს და ეს მაინც უნდა მივაწეროთ იმას, რომ სიფრთხილის ზღვარი დაწია მოსახლეობამ. არ იცავს ისე წესებს როგორც საჭიროა და ასე ვთქვათ, უფრო გავთამამდით კოვიდთან მიმართებაში. რაც შეეხება რეკომენდაციებს მთავარი ეს არის ნიღაბი, დისტანციისა და ჰიგიენის დაცვა“- განაცხადა ლიკა მუმლაძემ.
მცხეთის სამედიცინო ცენტრში დღეის მდგომარეობით 34 კოვიდინფიცირებული მკურნალობს. ბოლო დღე-ღამეში საქართველოში კორონავირუსის დადასტურებულმა შემთხვევებმა 14-ით იმატა. ქვეყანაში სულ კორონავირუსის 1264 დადასტურებული შემთხვევაა მათ შორის გამოჯანმრთელებულია 1054 პაციენტი, გარდაცვლილია - 17. ხოლო კარანტინის რეჟიმში - 7279 ადამიანია.