მომღერალი და ტელეწამყვანი ბაბი კირკიტაძე გია ჯაჯანიძემ საკუთარ შვილიშვილთან ერთად დააფიქსირა. პოპულარულ წამყვანს ულამაზესი ოჯახის წევრი ჰყავს. ცისფერთვალება გოგონამ დიდი ყურადღება მიიქცია. ამ სურათის გარშემო ჯაჯანიძის თაყვანისმცემლები განსაკუთრებულად გაერთიანდნენ.
კომენტარების ეპიცენტრში, რა თქმა უნდა, პატარა გოგონაა. „უფალმა ბედნიერი გიმყოფოთ“, „გია, ეს ნამდვილად შენი შვილიშვილია?“ – გაოცებული „ფოლოვერები“ ემოციებს ვერ მალავენ, „რა საყვარელია, ჩასაბურჯგნი“, „მართლა შენი შვილიშვილია?!“ ტელეწამყვანი, შოუმენი და „იდუმალებით მოცული“, 58 წლის გია ჯაჯანიძე, ასაკის მიუხედავად, არასდროს ნებდება. გია ჯაჯანიძემ პატარა ანგელოზი საზოგადოებას პირველად გააცნო.
გია (გიორგი) ჯაჯანიძე ერთ-ერთი ყველაზე ცნობილი სახეა ქართულ ტელესივრცეში. მსახიობობით დაწყებული კარიერა მყარი არ გამოდგა და ჯაჯანიძემ ბედი ტელევიზიაში სცადა. ჰყვება, რომ რთული ცხოვრება ჰქონდა. სტუდენტობის პერიოდში ხშირად საჭმლის ფულიც არ ჰქონდა.
მიუხედავად ამისა, ჟურნალისტი გადასარევად გამოიყურებოდა. პრობლემურმა ახალგაზრდობამ შემდეგ უზრუნველყოფილი ცხოვრება მოუწყო და ახლა გია ჯაჯანიძე ამერიკასა და ევროპას ფაქტობრივად ყოველ შვებულებაზე სტუმრობს. წლების წინ კი მისთვის ეს წარმოუდგენელიც იყო.
„დიდია განგების ძალა. არავინ არ იცის ვინ სად მოხვდება, რა გზას დაადგება. ძალიან მიჭირს ამ ამბის მოყოლა, რადგან ეს არის ამბავი, რომელიც გულში ლახვარივით ჩამეცა. ერთ-ერთი გადაღების დროს, ლილოში ვარ და არის ძალიან დიდი ამბავი, აქცია გვაქვს. ვყიდით რაღაცეებს, რომ ბავშვებს დავეხმაროთ. მღერიან მომღერლები, მე ვცეკვავ. ცეკვის დროს შევჩერდი და შორს ვხედავ ლამაზ ქალს, რომელიც მიყურებს. ერთი წამი თვალებში შევხედე და გავაგრძელე ცეკვა. ეს ქალბატონი იყო ჩემი პირველი მეუღლე. ის ლილოს ბაზრობაზე ლავაშებს ყიდის“, – იხსენებს ჯაჯანიძე. რთული ცხოვრებისა და რამდენიმე უიღბლო დაოჯახების შემდეგ ჯაჯანიძემ საკუთარი ბედნიერება პროფესიაში აღმოაჩინა და მთელი დარჩენილი ცხოვრება ამ სფეროს მიუძღვნა.