თბილისი, 2 აგვისტო - Sputnik. თბილისში ბიზნესმენ გოგი თოფაძის შვილიშვილი ლევან თოფაძე დაჭრეს, იუწყება ტელეკომპანია Rustavi2.
შემთხვევა თბილისში დღეს, დილით მოხდა.
გავრცელებული ინფორმაციით, ლევან თოფაძე მისსავე საცხოვრებელ სახლთან დაჭრეს. ახალგაზრდა ხეჩინაშვილის სახელობის კლინიკაშია მოთავსებული. მისი ჯანმრთლობის მდგომარეობა მძიმეა.
როგორც გოგი თოფაძემ მედიასთან საუბრისას განაცხადა, მის შვილიშვილს დანით ოთხი ჭრილობა აქვს მიყენებული და ახლა საავადმყოფოში უგონო მდგომარეობაში იმყოფება.
ამ დროისთვის საქმის სხვა დეტალები და თავდასხმის მიზეზი უცნობია.