თბილისი, 1 აგვისტო — Sputnik. საქართველოში საერთო სამაგისტრო გამოცდები პირველი აგვისტოდან დაიწყო, რომელიც 4 აგვისტომდე გაგრძელდება, ნათქვამია საქართველოს განათლების სამინისტროს შეფასებისა და გამოდების ეროვნული ცენტრის განცხადებაში.
წელს მაგისტრატურაში ჩაბარება 12,6 ათასმა სტუდენტმა გადაწყვიტა.
განათლების მინისტრის მოადგილე ნუნუ მიცკევიჩის თქმით, გამოცდების დროს დაცული იქნება უსაფრთხოების ზომები, რომელიც ქვეყანაში კორონავირუსის გავრცელების პრევენციის მიზნით დაწესდა.
„ჩვენ გამოცდებზე მოსული აპლიკანტების ყველა მოთხოვნილება გავითვალისწინეთ. ბათუმში საკარანტინო ზონაში გვყავს რამდენიმე მეზღვაური, რომელთაც PSR-ტესტირება წინასწარ ჩაუტარდათ და ისინი შეუფერხებლად მიიღებენ მონაწილეობას სამაგისტრო გამოცდებში“, – განაცხადა მიცკევიჩმა ჟურნალისტებთან.
გამოცდების ეროვნული ცენტრის განცხადების თანახმად, მაგისტრატურაში ჩაბარების მსურველები საგამოცდო ცენტრებში ერთიან სამაგისტრო გამოცდას ჩააბარებენ, შემდეგ კი ისინი გამოცდას სპეციალობის მიხედვით უმაღლეს სასწავლებელში ჩააბარებენ.