თბილისი, 26 ივლისი – Sputnik. აზერბაიჯანში გასულ დღე–ღამეში კორონავირუსის 417 ახალი შემთხვევა გამოვლინდა (წინა დღეს - 321), იუწყება Sputnik–აზერბაიჯანი.
ამავე დროს გამოჯანმრთელდა 602 ადამიანი.
ოფიციალური მონაცემებით, ამ პერიოდში კორონავირუსის ფონზე არსებული დაავადებების გართულებებით გარდაიცვალა ცხრა ადამიანი.
თებერვლის ბოლოდან აზერბაიჯანში კორონავირუსის 30 050 შემთხვევა გამოვლინდა, აქედან გამოჯანმრთელდა 22 684 ადამიანი, ხოლო 417 გარდაიცვალა.
ამ დროისთვის განსაკუთრებული რეჟიმის საავადმყოფოებში მკურნალობს 6949 კორონავირუსით ინფიცირებული ადამიანი.
აღნიშნულ პერიოდში ქვეყანაში კორონავირუსის გამოსავლენად 683 548 ტესტი ჩატარდა, მათ შორის 7296 - გასულ დრე-ღამეში.