ძვირფასი ლითონები კვლავ გაძვირდა: რა ღირს ოქრო, ვერცხლი თუ პლატინა

თბილისი, 22 ივლისი — Sputnik. ოქროზე მსოფლიო ფასები ზრდას განაგრძობს და ივლისში კიდევ 1,1%-ით მოიმატა, იუწყება საინფორმაციო სააგენტო Reuters.

სააგენტოს ცნობით, ერთი უნცია ოქროს ფასი ამ დროისათვის 1,8 ათას დოლარს შეადგენს, რაც ისტორიული მაქსიმუმია ბოლო ცხრა წლის განმავლობაში.

აღნიშნება, რომ მიმდინარე წლის დასაწყისიდან ოქროს ფასმა 20%-ით მოიმატა.

რაც შეეხება ვერცხლს, ივნისში ის 5,2%-ით გაძვირდა და მისმა ფასმა ერთ უნციაზე 20,94 დოლარი შეადგინა. ეს ყველაზე მაღალი ფასია ბოლო ოთხი წლის განმავლობაში.

გარდა ამისა, 3,5%-ით გაძვირდა პალადიუმი (ფასი 2,1 ათასი დოლარი უნციაზე) და პლატინაც — 2,1%-ით. ამ უკანასკნელის ღირებულებამ უნციაზე 861 დოლარს მიაღწია.

სააგენტოს ინფორმაციით, ძვირფას ლითონებზე მაღალი მოთხოვნა იმ შიშების ფონზეა შენარჩუნებული, რომ მსოფლიო ეკონომიკების აღდგენა შესაძლოა შეყოვნდეს — მსოფლიოში კორონავირუსით ინფიცირებულთა რაოდენობის ზრდის გამო.