თბილისი, 20 ივლისი — Sputnik. ახალი ტიპის კორონავირუსზე მასობრივი ვაქცინაცია შესაძლოა უკვე 2021 წლის შუა თვეებში დაიწყოს, განაცხადა ჯანდაცვის მსოფლიო ორგანიზაციის გენდირექტორის მოადგილემ სუმია სვამინატანმა ორშაბათს.
ჯანმოს წარმომადგენელმა აღნიშნა, რომ „ამ დროისათვის ოცზე მეტი ვაქცინა–კანდიდატი გადის კლინიკურ გამოცდებს“ და არის იმედი, რომ მათგან რამდენიმე ეფექტური იქნება.
სვამინატანის თქმით, შედეგები უკვე მომავალი წლის დასაწყისში შეიძლება იყოს მიღებული.
ამასთან, მისი განმარტებით, ის ფაქტი, რომ ორგანიზმში კორონავირუსის ანტისხეულები გარკვეული დროის შემდეგ ქრება, ვერ იქნება იმის მტკიცებულება, რომ შეძენილი იმუნიტეტიც სრულად ქრება.
მანამდე ჯანდაცვის მსოფლიო ორგანიზაციამ გაავრცელა განცხადება, რომ COVID-19-ის ვაქცინას პირველები ღარიბი ქვეყნები, ასევე სამედიცინო მუშაკები და რისკის ჯგუფში შემავალი ადამიანები მიიღებენ.