როგორც ცნობილია, აშშ-ში ქვეყნის პრეზიდენტად არჩევის რეალური შანსი მხოლოდ ორი პარტიის — რესპუბლიკელებისა და დემოკრატების წარმომადგენლებს აქვთ. ამერიკის ისტორიაში ძალიან ცოტა ყოფილა ისეთი შემთხვევა, როდესაც სხვა პარტიისა თუ სულაც უპარტიო კანდიდატს მიუღია ხმების დიდი რაოდენობა. ამ მხრივ რეკორდსმენი იყო ბიზნესმენი როს პერო 1992 წელს, რომელმაც ელექტორატის 19%-იანი მხარდაჭერა მიიღო, მაგრამ საბოლოოდ წარმომადგენელთა კოლეგიამ მას არც ერთი ხმა არ მისცა.
მიუხედავად ამისა, ამერიკის ლიდერის სავარძლის დაკავების მსურველები ყოველთვის საკმარისად ბევრნი იყვნენ, მათ შორის მეტად უცნაური პერსონებიც. წელს ასეთთა რიცხვში აღმოჩნდა კიმ კარდაშიანის მეუღლე, რეპერი კანიე უესტი.