ეზუგბაია: კორონავირუსის ცხრა ახალი შემთხვევიდან ცხრავე შემოტანილია

ინფექციური საავადმყოფოს სამედიცინო დირექტორი მარინა ეზუგბაია საუბრობს კორონავირუსის ახალ შემთხვევებსა და პაციენტების ჯანმრთელობის მდგომარეობაზე.
Sputnik
ეზუგბაია: კორონავირუსის ცხრა ახალი შემთხვევიდან ცხრავე შემოტანილია
„ქვეყანაში დაგვემატა ცხრა ახალი დადასტურებული შემთხვევა, გამოჯანმრთელებული არ გვყავს. ამ ეტაპზე კოვიდ-ცენტრებში 151 პაციენტი მკურნალობს. ცხრა ახალი შემთხვევიდან ცხრავე შემოტანილი, ანუ იმპორტირებულია. ყველას დიაგნოსტირება მოხდა საკარანტინო სივრცეში. ამ ცხრიდან ხუთი არის სატვირთო ავტომანქანის მძღოლი. ჩვენს ცენტრში დაგვემატა სამი ახალი შემთხვევა და ამ ეტაპზე 25 პაციენტი გვყავს. სამივეს მდგომარეობა არ არის მძიმე, საშუალოზე მსუბუქი გახლავთ“, – განაცხადა ეზუგბაიამ.

მარინა ეზუგბაიას განმარტებით, პაციენტებთან არ შეინიშნება დაავადების პროგრესირება, ყველა მათგანის ჯანმრთელობის მდგომარეობა საშუალო და საშუალოზე მსუბუქია.