უკვე მერამდენე თვეა საქართველოს საზღვრები დაკეტილია და ყველაფერი, რაც ტურიზმზე იყო დამოკიდებული, უკანასკნელ იმედს კარგავს. რეგულარული საჰაერო მიმოსვლის აღდგენა კვლავ გადაიდო, ხოლო რა იქნება მომავალში – ჯერ არავინ იცის.
რესტორნები და კაფეები ძირითადად ადგილობრივ დამსვენებლებზე არიან დამოკიდებული, მაგრამ ცნობილ ისტორიულ ძეგლებთან და ღირსშესანიშნაობებთან დაკეტილია ყველა მაღაზია და ტურისტული ობიექტი. ეს გასაგებიცაა – ისინი ძირითადად უცხოელი ტურისტებისთვის მუშაობენ.