თბილისი, 1 ივლისი — Sputnik. თბილისის სკოლა „ალბიონის“ ორ პედაგოგს წარედგინა ბრალი გულგრილობაში - საქმე ეხება 16 წლის გოგონას გარდაცვალებას სასკოლო ექსკურსიის დროს, იუწყება Rustavi-2.
ცნობილია, რომ გულგრილობაში ბრალი ედება ფიზკულტურის მასწავლებელს და კლასის დამრიგებელს.
სკოლის ადმინისტრაციას აღნიშნულთან დაკავშირებით თავისი პოზიცია ჯერჯერობით არ დაუფიქსირებია.
16 წლის სოფო ნიკოლეიშვილი 2019 წლის 26 მაისს სასკოლო ექსკურსიის დროს დაიღუპა - ის ნინოსხევის ჩანჩქერში ჩავარდა. გოგონას ოჯახი მიიჩნევს, რომ გოგონას დაღუპვაზე პასუხისმგებლობა სკოლის ადმინისტრაციას უნდა დაეკისროს.