პრემიერ-მინისტრმა პარლამენტს მთავრობის საქმიანობის 2019-2020 წლების ანგარიში წარუდგინა
© Sputnik
„მიუხედავად იმისა, რომ თებერვლის თვიდან ვებრძვით გლობალურ გამოწვევას, პანდემიას, რომელსაც აქვს თავისი როგორც ეპიდემიოლოგიური, ჯანდაცვის, ასევე ეკონომიკური შემადგენილი, ოთხი პრიორიტეტული მიმართულება, რომელიც სამთავრობო პროგრამის დამტკიცებით იყო წარდგენილი, განხორციელების ფაზებშია – სხვადასხვა წარმატებით, რა თქმა უნდა. სადღაც გვაქვს სერიოზული მიღწევები, გარკვეული მიმართულებით არის დარჩენილი გამოწვევები, თუმცა ყველა ამ ოთხი მიმართულებით მუშაობა არ შეჩერებულა არც ერთი წუთით… ეს გახლავთ უსაფრთხოება და ადამიანის უფლებები, ეკონომიკური განვითარება, განათლება და ადამიანური კაპიტალის განვითარება, სახელმწიფო მმართველობა“, – განაცხადა გიორგი გახარიამ.
საქართველოს პრემიერ-მინისტრმა პარლამენტში მთავრობის საქმიანობის 2019-2020 წლის ანგარიში წარადგინა. ანგარიშის წარდგენამდე პრემიერმა აღნიშნა, რომ ბოლო ერთი თვის განამვლობაში პარლამენტში მესამედ იმყოფება, რაც კიდევ ერთი არგუმენტია, რომ ქვეყანაში საპარლამენტო დემოკრატია ვითარდება.