თბილისი, 20 ივნისი - Sputnik. გარემოს ეროვნული სააგენტო მოსახლეობას აფრთხილებს, რომ საქართველოში ამინდი გაუარესდება და უხვმა ნალექმა შეიძლება გამოიწვიოს მეწყრულ-ღვარცოფული პროცესები და წყალმოვარდნები.
როგორც სააგენტოს მიერ გავრცელებულ ინფორმაციაშია ნათქვამი, 22 ივნისამდე საქართველოში შენარჩუნებული იქნება დროგამოშვებით წვიმა ელჭექით, ზოგან ძლიერი, შესაძლებელია სეტყვა და ქარის გაძლიერება.
ასევე, მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.