ტელეწამყვანი და მოდელი ანანო სახელაშვილი და ფეხბურთელი ზვიად ლობჟანიძე საქართველოში ერთ-ერთი პოპულარული წყვილია. ისინი ხშირად ერთად მონაწილეობენ სარეკლამო რგოლებშიც. რამდენჯერმე საქორწინო სამოსიც მოირგეს და ბევრი მილოცვაც მიიღეს, თუმცა წყვილი ჯერ დაქორწინებული არ არის.
ანანო დროდადრო სოციალური ქსელის მომხმარებლებს ეხუმრება და სახალისო ვიდეოებსა და ფოტოებს დებს, თუ როგორ სთხოვეს ხელი. ამ მიზანს ემსახურებოდა ბოლო ვიდეოც, რომელიც მოდელმა „ინსტაგრამის“ გვერდზე გამოაქვეყნა და სათაურად „როგორც იქნა მეღირსა“ დაურთო. სანამ მისი „ფოლოვერები“ მიხვდებოდნენ, რომ მოდელმა უბრალოდ იხუმრა, ბევრი მილოცვის შემდეგ უკვე გაკვირვებული კომენტარები დაიწერა.
„გეპატიება ეხლა ესეთი ხუმრობა. დავიხოცე ადამიანი შევყარე მეზობლები გული ამიჩუყდა ისე გბალეშიკობთ. ტირილი მოვრთე ამშუაღამეს ემოციებისგან“, „მოირჩინა მენისკი?“, „მეგონა უკვე დაქორწინებულები იყავით“ – უწერენ მოდელს კომენტარებში.
ანანო უკვე რა ხანია, რაც საკმაოდ პოპულარული გახდა ინტერნეტ-სივრცეში და მისი პირადი ცხოვრებაც ალბათ ბევრ ადამიანს აინტერესებს. წყვილს 12 მაისს ურთიერთობის 5 წელი შეუსრულდა რაც ერთად არიან. სწორედ ერთად ყოფნის იუბილეს ეძღვნებოდა ბოლო ფოტოსესია, რომელმაც საზოგადოება შეცდომაში შეიყვანა, თუმცა შეყვარებულებმა აღნიშნეს, რომ საქორწინო სამოსი მხოლოდ გადაღებისთვის მოირგეს.