წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
11-20 ივნისი
11-20 ივნისის პერიოდი ტყუპის ნიშნის მესამე დეკადას განეკუთვნება.
ამ დეკადას მთავარი პლანეტა – მზე მართავს, რომელიც ამ პერიოდში დაბადებულებზე დიდ გავლენას ახდენს. ეს ადამიანები უზარმაზარი ფიზიკური და სულიერი ძალით გამოირჩევიან, მაგრამ, ჩვეულებრივ, იმპულსური, თავშეუკავებელი და უხეში არიან.
მნიშვნელოვანი წლებია: 10, 20, 30, 40, 50, 60, 70, 80.
ამ დეკადაში დაბადებულთა სიმბოლოა ზიზილა.
ეს ადამიანები ძალზე საზრიანი არიან, მაგრამ რომანტიზმის შეგრძნება სრულიად არ გააჩნიათ. ისინი ხშირად ეჭვობენ, სანამ რაიმეს გააკეთებენ. მათ შორის თითქმის არ გვხვდებიან ისეთი ადამიანები, რომლებიც სარისკო საქმიანობისკენ ისწრაფვიან. მათ უყვართ მშვიდი ვითარება, სიჩუმე და ოჯახური სიმყუდროვე. ცხოვრებისეული წარმატების მისაღწევად სჭირდებათ თავდაჯერებულობა. ამ ადამიანებმა უნდა ისწავლონ ადამიანებთან ურთიერთობები, იყვნენ უფრო აქტიური და თამამი.
15 ივნისს დაბადებულები
15 ივნისს მრავალმხრივი ნიჭით დაჯილდოებული ადამიანები იბადებიან. არიან ნამდვილი გამარჯვებულები, არ იციან წაგება, რადგან ყოველი ნაბიჯი წინასწარ იციან და სანამ მუშაობას შეუდგებიან, ყველაფერს კარგად აანალიზებენ. ყოველთვის შეუცდომლად ირჩევენ მოქმედებების სწორ კალაპოტს – აქვთ შესანიშნავი ინტუიცია. მიდრეკილება აქვთ მისტიციზმისადმი.
ყველაზე, ყველაზე... ზოდიაქოს ნიშნების ძლიერი მხარეები>>
15 ივნისს დაბადებულებს თავიანთი მომხიბვლელობის იმედი აქვთ. ფიქრობენ, რომ სწორედ ეს დაეხმარება მათ ჩანაფიქრის განხორციელებაში. მათი ერთ–ერთი დიდი ნიჭია გარშემომყოფი ადამიანების გადმობირება, თავიანთ სიმართლეში დარწმუნება. ზოგიერთი მათგანი ამ ტალანტს ბოროტი განზრახვითაც იყენებს.
ამ დღეს დაბადებულთა წინაშე მწვავედ დგას მატერიალური საკითხი, ხოლო მიმზიდველობას უზარმაზარი მნიშვნელობა ენიჭება. თუ ბუნებამ მათ სილამაზე არ უბოძა, ხალხს ინტელექტით აჯადოებენ. თუ ამანაც არ იმუშავა, უკვე ეშმაკური მეთოდები და ადამიანის ფსიქოლოგიის ფაქიზი აღქმა იწყებს მოქმედებას. ამ ადამიანებს სურთ ადამიანის არა მარტო მოხიბვლა, არამედ მისი სრული დამორჩილება. შეუძლიათ ნებისმიერი მანიპულაციის გამოყენება, რადგან კარგად იციან ადამიანის სულის კუთხე–კუნჭულები.
ზოდიაქოს თითოეული ნიშნის ლაკონური დახასიათება - ხასიათის მხოლოდ ექვსი შტრიხი>>
ამ დღეს დაბადებულები კარგი მშობლები დგებიან, ყოველთვის შეუძლიათ ახალგაზრდობისთვის სტიმულის მიცემა. მაგრამ მანიპულაციის ჩვევა აქაც მოქმედებს, ასევე სჩვევიათ ბავშვების ზედმეტად განებივრება. 15 ივნისს დაბადებულები შეუცვლელი თანამშრომლები არიან იქ, სადაც საჭიროა დაინტერესებული კლიენტებისა და სპონსორების მოძიება. მათი დადანაშაულება ამორალური მიზნების მიღწევაში არ შეიძლება, რადგან უფრო თავად გზა აინტერესებთ, ვიდრე მიზანი. მათი შინაგანი არსი შეიძლება ყველასთვის, მათ შორის თავად ამ ადამიანებისთვისაც, საიდუმლოდ დარჩეს. თუმცა, მათი მომხიბლაობით გარშემომყოფები აღფრთოვანებული არიან.
ჯანმრთელობა
15 ივნისს დაბადებულებისთვის მნიშვნელოვანია ფიზიკური ფორმის შენარჩუნება. ეს მათ სექსუალურ მიმზიდველობას უზრუნველყოფს. ვენერას გავლენით ეს ადამიანები ხშირად ძალზე დაკავებული არიან ცხოვრებისეული სიამოვნებების ძიებით, არიან ზარმაცი და საკუთარი თავის მოყვარული. ამან კი ზედმეტი წონის პრობლემები შეიძლება გააჩინოს. ეს რომ არ მოხდეს, მუდმივად უნდა მისდიონ სპორტს. ასევე ყურადღება უნდა მიაქციონ კვებას. საბედნიეროდ, სხვა ტყუპების მსგავსად, ამ დღეს დაბადებულებსაც კარგი ჯანმრთელობა აქვთ.
რჩევა:
ჩამოაყალიბეთ შეხედულებების მყარი სისტემა, რაც თქვენს ცხოვრებისეულ ფასეულობებზე იქნება დაფუძნებული. ისწავლეთ მარტო ყოფნა – არ ღირს ყოველთვის სხვების იმედზე ყოფნა. იყავით მეტად თავდაჯერებული.