თბილისი, 13 ივნისი — Sputnik. აბასთუმნის წიწვოვან ტყეში მეხანძრეებმა რამდენიმე საათში ხანძრის ლოკალიზება მოახერხეს, ნათქვამია საგანგებო სიტუაციების მართვის სამსახურის Facebook-გვერდზე.
შინაგან საქმეთა სამინისტროს საზოგადოებრივი უსაფრთხოების მართვის ცენტრ „112“-ში შევიდა შეტყობინება, რომ აბასთუმანში, ტყის მასივში შეინიშნებოდა დაკვამლიანება.
მეხანძრეები გამოცხადდნენ ადგილზე და აღმოაჩინეს, რომ წიწვოვანი ტყე იწვის.
ადგილზე მობილიზებული იყო 65 მეხანძრე და სასაზღვრო პოლიციის 2 ვერტმფრენი.
ცეცხლის ლოკალიზება რამდენიმე საათში მოხერხდა. ახლა მეხანძრეები და ვერტმფრენები მის ლიკვიდაციაზე მუშაობენ.