თბილისი, 11 ივნისი - Sputnik. აზერბაიჯანში გასულ დღე-ღამეში კორონავირუსით ინფიცირების 352 ახალი შემთხვევა გამოვლინდა, 210 ადამიანი გამოჯანმრთელდა და გაეწერა კლინიკებიდან, იუწყება Sputnik-აზერბაიჯანი.
გასულ დღე-ღამეში კორონავირუსით გარდაიცვალა ექვსი ადამიანი, რომელთა ტესტიც კორონავირუსზე დადებითი იყო.
აზერბაიჯანში თებერვლის ბოლოდან კორონავირუსით ავადობის 8 882 შემთხვევა დარეგისტრირდა, აქედან 4 930 გამოჯანმრთელდა, 108 პაციენტი გარდაიცვალა.
COVID-19-ით ინფიცირებული 3 844 პაციენტი საგანგებო რეჟიმის საავადმყოფოებში მკურნალობას განაგრძობს.
ქვეყანაში კორონავირუსული ინფექციის გამოსავლენად 362 654 ტესტირება ჩატარდა.