თბილისი, 9 ივნისი - Sputnik. ცხელი და უნალექო ამინდი შენარჩუნდება საქართველოს ტერიტორიაზე 11 ივნისამდე, ნათქვამია გარემოს ეროვნული სააგენტოს განცხადებაში.
„ჰაერის ტემპერატურა დასავლეთ საქართველოს დაბლობში +32, +37, სანაპირო რაიონებში +25, +30, აღმოსავლეთ საქართველოს ბარში +30, +35 გრადუსია მოსალოდნელი. 11 ივნისს მაღალი ტემპერატურის ფონზე საქართველოს ცალკეულ რაიონში შესაძლოა მცირე ხანმოკლე წვიმა აღინიშნოს“, - ნათქვამია განცხადებაში.
შედარებით გრილი და წვიმიანი ამინდი იქნება 12-13 ივნისს დასავლეთ საქართველოში.
„ხანმოკლე წვიმა ელჭექით მოსალოდნელია აღმოსავლეთ საქართველოშიც, ზოგან სეტყვაც შესაძლებელია, თუმცა მაღალი ტემპერატურული ფონი შენარჩუნდება“, - ნათქვამია განცხადებაში.
თბილისში 9-11 ივნისს მოსალოდნელია ცხელი და უნალექო ამინდი - ჰაერი 34 გრადუსამდე გათბება. ხოლო 12-13 ივნისს ღამისა და საღამოს საათებში იწვიმებს.