საქართველოში ივნისიდან შიდა ტურიზმი განახლდება, ივლისიდან კი – საერთაშორისო. თუმცა საზოგადოების დიდი ნაწილი კვლავინდებურად სიფრთხილეს იჩენს პანდემიის ფონზე. არიან ისეთებიც, ვინც ცხელი ზაფხულის პირობებში თავს სრულიად დაცულად მიიჩნევს და არ ატარებს ნიღაბს ან ხშირად არღვევს დადგენილ წესებს. როგორც წესი, ჩვეულებრივი რესპირატორული ვირუსული ინფექციით ზაფხულში ძალიან იშვიათად ავადდებიან, თავის დაცვის ზოგიერთი მოწინააღმდეგე კი კორონავირუსს ჩვეულებრივ გრიპად აღიქვამს. თუმცა ისინი მართლები არ არიან. ახალი კორონავირუსის შედეგად გამოწვეულმა სიტუაციამ გვიჩვენა, რომ COVID-19-ს ზაფხულის პერიოდშიც შეუძლია გავრცელება, თუმცა არც ისე აქტიურად.