თბილისი, 4 ივნისი — Sputnik. აშშ-ის კალათბურთის ეროვნული ასოციაციის (NBA) ყოფილმა მოთამაშემ სტივენ ჯექსონმა დაღუპული ჯორჯ ფლოიდის ექვსი წლის გოგონას ჯიანა ფლოიდის მეურვეობა იკისრა.
ირკვევა, რომ ექს-ჩემპიონი გარდაცვლილის მეგობარი იყო.
ჯექსონმა Instagram-ზე დაღუპული მეგობრისადმი მიძღვნილი პოსტი გამოაქვეყნა, რომელშიც დაპირდა, რომ იზრუნებს დაობლებულ პატარაზე.
„არ იღელვო, ტვინ, მე ვიზრუნებ შენს ჯიჯიზე. იცოდე ეს. მე ყოველთვის ვზრუნავ ძმებზე“, — დაწერა კალათბურთელმა.
აღსანიშნავია, რომ ცოტა ხნის წინ გამოქვეყნდა მინესოტის შტატის სასამართლო-სამედიცინო ექსპერტის დასკვნა, რომლის თანახმადაც, პოლიციელების მიერ დაკავებისას დაღუპული ჯორჯ ფლოიდი კორონავირუსით იყო ინფიცირებული.