თბილისი, 3 ივნისი – Sputnik. ძლიერმა ქარმა გორში საცხოვრებელ სახლებს სახურავები გადახადა, იუწყება პირველი არხი.
დაზიანებული კორპუსები სტალინის ქუჩაზე მდებარეობს. სახურავის ფრაგმენტი მსუბუქ ავტომობილს დაეცა.
ქარმა პრობლემები ჩოჩიშვილის ქუჩაზეც შექმნა, სადაც ქარის შედეგად მოტეხილი ხე ასევე ავტომობილს დაეცა.
შემთხვევის შედეგად არავინ დაშავებულა.
როგორც გარემოს დაცვის ეროვნული სააგენტო იუწყებოდა, საქართველოს მთელ ტერიტორიაზე 6 ივნისამდე ცვალებადი ამინდია ნავარაუდევი – უმეტეს რაიონებში მოსალოდნელია წვიმა ელჭექით, ზოგან ძლიერი სეტყვა, ქარი, ზღვაზე შტორმი.