თბილისში 1 ივნისიდან მუშაობა განაახლეს დიდმა სავაჭრო ცენტრებმა, ასევე ღია ტიპის რესტორნებმა და კვების სხვა ობიექტებმა. თუმცა მათ მოუწევთ გარკვეული წესების დაცვა. პერსონალი ვალდებული იქნება ატაროს ნიღბები, სტუმრებმა ერთმანეთისგან უნდა დაიცვან დისტანცია. ასევე აუცილებელია დაწესებულების რეგულარული დეზინფექცია და სანიტარული დამუშავება. ყველა ეს ზომა აუცილებელია იმისათვის, რათა შემცირდეს ახალი კორონავირუსი COVID-19-ის გავრცელების რისკი.