თბილისი, 23 მაისი - Sputnik. ქართველმა ექიმებმა კორონავირუსისგან კიდევ 14 პაციენტი განკურნეს, აღნიშნულია მთავრობის სპეციალურ ვებ-გვერდზე stopcov.ge.
კორონავირუსი საქართველოში: შეზღუდვებისა და აკრძალვების სრული ჩამონათვალი 22 მაისისთვის >>
ამ დროისათვის კორონავირუსის დიაგნოზი 728 ადამიანს დაუსვეს, აქედან 509 (69,9%) გამოჯანმრთელდა. საქართველოში COVID-19-ის ეპიდემიის დაწყებიდან დღემდე 12 ადამიანი გარდაიცვალა.
ამ დროისათვის საქართველოში COVID-19-ს 207 პაციენტი ებრძვის. ამგვარად, ქვეყანაში გამოჯანმრთელებულთა რაოდენობა ამჟამინდელი ინფიცირებულების რიცხვს 2,46-ჯერ აღემატება.
კარანტინის რეჟიმში იმყოფება 3259, ხოლო სტაციონარებში დაკვირვების ქვეშ 323 პაციენტია. ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.
საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა. ის 23 მაისამდე მოქმედებდა - შეზღუდვები 00:00 საათიდან მოიხსნა.