შორენა ბეგაშვილს ერთი ქალიშვილი ჰყავს. ევა ბარბაქაძე მსახიობს პატარა ასაკში შეეძინა, ჯერ კიდევ მაშინ, როდესაც შორენა ეკრანებზე არ ჩანდა. პოპულარობა დედა-შვილის ცხოვრებაში ბევრი მუშაობისა და დიდი ძალისხმევის შედეგად მოვიდა. ყველამ იცის, რომ შორენა რუსთავში გაჭირვებულად ცხოვრობდა. ახლა მთელი ქვეყანა ევას და შორენას სილამაზეზე საუბრობს. მათ ბოლო პერიოდის მანძილზე ერთმანეთს სულ უფრო და უფრო ხშირად ადარებენ. ფაქტი სახეზეა – სილამაზით ევა დედას არ ჩამოუვარდება.
მიუხედავად იმისა, რომ ევა ბარბაქაძე ფოტოსესიებში მონაწილეობს და ხშირად მაკიაჟით ჩანს, მისი ბუნებრივი სილამაზის ნახვა ევას ოფიციალურ გვერდზეა შესაძლებელი. მსახიობის ქალიშვილმა Instagram-ის გვერდი სულ ახლახან შექმნა. მას უკვე 57 ათასზე მეტი „ფოლოვერი“ ჰყავს. დედისგან განსხვავებით, თამამი ფოტოებით არ გამოირჩევა, მაგრამ უახლესმა სურათმა სოციალური ქსელის ერთ-ერთი მომხმარებელი გააღიზიანა. „ჯვარი მაინც მოიხსენი, ღმერთის არ გეშინია?“ - ასეთი კომენტარი დაუწერა მან გოგონას ფოტოზე, სადაც ევას სარეკლამო გადაღებისთვის ჯვრის ფორმის საყურე უკეთია.
ევა ბარბაქაძე თანატოლებს შორის ორიგინალურობითა და საკუთარი ხედვით გამოირჩევა. მისი სოციალური ქსელი უამრავი ნაზი კადრით არის სავსე. სტუდენტი გოგონა ნებისმიერ სტილსა და იმიჯში განსაკუთრებულად გამოიყურება. მიუხედავად იმისა, რომ შორენა ბეგაშვილს უამრავი პლასტიკური ოპერაციის გაკეთებაში ადანაშაულებენ, ფაქტია, რომ ევა წლიდან წლამდე დედის ასლი ხდება. ამას თაყვანისმცემლები ხშირად აღნიშნავენ.
ევას მშობლები დიდი ხნის წინ დაშორდნენ, მიუხედავად ამისა, ევას და მამას მეგობრული ურთიერთობა აქვთ. შორენა კი იდეალურ დედობას უწევს. გოგონა ფსიქოლოგიის ფაკულტეტზე სწავლობს. მან სკოლა გასულ წელს დაამთავრა და კავკასიის საერთაშორისო უნივერსიტეტში ჩააბარა.