თბილისი, 14 მაისი — Sputnik. ახალი კომეტა სახელწოდებით SWAN მინიმალურ მანძილზე მოუახლოვდა დედამიწას და ამ დროისათვის ჩვენი პლანეტიდან 84 მლნ კმ-ით არის დაშორებული, ნათქვამია The New York Times-ის პუბლიკაციაში.
გამოცემის ინფორმაციით, კომეტა, რომლის დანახვაც შეუიარაღებელი თვალითაცაა შესაძლებელი, მაისის ბოლოს მზეს მიუახლოვდება.
აღსანიშნავია, რომ ციური სხეული C/2020 F8 (SWAN) მიმდინარე წლის 11 აპრილს აღმოაჩინეს. მკვლევარების ყურადღება ცოტა ხნით ადრე, 25 მარტს გაკეთებულმა ფოტოებმა მიიპყრო, რომლებიც მზის ქარის გამზომი ხელსაწყო SWAN-ის (Solar Wind ANisotropies instrument) მეშვეობით იყო გაკეთებული.
სწორედ ამ ფოტოებზე შენიშნეს ასტრონომებმა ახალი ციური სხეული, რომელსაც მწვანე კუდი ჰქონდა და რომელიც საბოლოოდ კომეტა გამოდგა.