თბილისი, 11 მაისი - Sputnik. აზერბაიჯანში გასულ დღე-ღამეში COVID-19-ის 70 ახალი შემთხვევა გამოვლინდა, ხოლო 30 პაციენტი გამოჯანმრთელდა, იუწყება Sputnik-აზერბაიჯანი.
თებერვლის ბოლოდან დღემდე აზერბაიჯანში საერთო ჯამში კორონავირუსით ინფიცირების 2589 შემთხვევა დაფიქსირდა. 1680 ადამიანი გამოჯანმრთელდა და საავადმყოფოებიდან გაეწერა. ქრონიკული დაავადებების გართულების შედეგად 32 პაციენტი გარდაიცვალა.
მკურნალობას განაგრძობს კორონავირუსით დაავადებული 877 პაციენტი. 31 პაციენტის მდგომარეობა მძიმეა, 42-ის - საშუალო სიმძიმის, დანარჩენების მდგომარეობა სტაბილურია.
აზერბაიჯანში ინფიცირების გამოსავლენად 197 545 ტესტირება ჩატარდა.