ძლიერი წვიმა და წყალდიდობა: კახეთში ოცამდე სოფელი დაიტბორა — ვიდეო

16:23, 11 მაისი 2020

სეტყვამ და კოკისპირულმა წვიმებმა კახეთს პრობლემები შეუქმნა. დატბორილია საცხოვრებელი სახლები, საკარმიდამო ნაკვეთები, სოფლის შიდა გზები.

გადაუღებელმა წვიმებმა განსაკუთრებით ლაგოდეხისა და ყვარლის მუნიციპალიტეტების სოფლები დააზარალა.

სეტყვამ გაანადგურა 150 ჰექტარზე გაშენებული ერთწლიანი კულტურები, ნაპირებიდან გადმოსულმა მდინარეებმა ათობით სახლი დატბორა, დაზიანებულია ინფრასტრუქტურა.