თბილისი, 30 აპრილი – Sputnik. აზერბაიჯანში კორონავირუსით ინფიცირების 38 ახალი შემთხვევა დაფიქსირდა, იუწყება „Sputnik-აზერბაიჯანი“.
კიდევ 46 ადამიანი გამოჯანმრთელდა და გაეწერა სპეციალიზებული სამედიცინო დაწესებულებებიდან.
გარდა ამისა, გასულ დღე-ღამეში გარდაიცვალა 69-წლის პაციენტი, რომელსაც ასევე არტერიული ჰიპერტენზია აღენიშნებოდა.
ამგვარად, თებერვლის ბოლოდან, როდესაც აზერბაიჯანში კორონავირუსით ინფიცირების პირველი შემთხვევა დაფიქსირდა, COVID-19-ით 1804 ადამიანი დაავადდა. აქედან 1325-მა პაციენტმა მკურნალობა წარმატებით დაასრულა და გაეწერა კლინიკებიდან. ქრონიკული დაავადებებით გამოწვეული გართულებების გამო 24 ადამიანი გარდაიცვალა.
ამჟამად სპეციალიზებულ სამედიცინო დაწესებულებებში კორონავირუსზე 455 ადამიანი მკურნალობს. აქედან 17-ის მდგომარეობა კრიტიკულია, 24-ის - ზომიერი. დანარჩენი პაციენტების მდგომარეობა სტაბილურია, ნათქვამია ოპერატიული შტაბის მიერ გავრცელებულ განცხადებაში.
განვლილ პერიოდში აზერბაიჯანში კორონავირუსზე 143 079 ტესტი ჩატარდა.