თბილისი, 26 აპრილი - Sputnik. იტალია მიმდინარე წლის ბოლომდე არ დაუშვებს ტურისტებს თავის ტერიტორიაზე, განაცხადა კულტურისა და ტურიზმის მინისტრმა დარიო ფრანჩესკინიმ გაზეთ La Republica-სთან ინტერვიუში.
„(საზღვრების გახსნა - რედ.) იქნება დამოკიდებული ეპიდსიტუაციაზე და თითოეული ცალკე აღებული სახელმწიფოს პოლიტიკაზე“, - აღნიშნა მინისტრმა.
ამასთან, ფრანჩესკინის თქმით, არსებობს იმის ალბათობა, რომ მაისში გაიხსნება მთავარი მუზეუმები და ღირსშესანიშნაობები, რომლებიც COVID-19-ის პანდემიის გამო დაიკეტა.
ბოლო მონაცემებით, იტალიაში კორონავირუსს ემსხვერპლა 26 ათასზე მეტი ადამიანი, ხოლო ინფიცირებულთა საერთო რაოდენობა 196 ათასს უახლოვდება. იტალია ევროპის ერთ-ერთი პირველი ქვეყანა იყო, რომელმაც თავისი საზღვრები დაკეტა.