თუ კოსმოსიდან გადაღებულ დედამიწის სურათებს შეხედავთ, შეუძლებელია არ დაფიქრდეთ სიცოცხლის უნიკალურობაზე და იმაზე, თუ როგორ უნდა მოვუფრთხილდეთ ბუნებას. დღესასწაულის მიზანია, შეახსენოს ადამიანებს ბუნების შესანარჩუნებლად და მომავალი თაობების კეთლდღეობისთვის ბალანსის დაცვის აუცილებლობა.
პანდემიის პერიოდში ეკოლოგიაზე ადამიანის ზეგავლენა საკმაოდ თვალსაჩინო გახდა, როდესაც რამდენიმე კვირის განმავლობაში ბუნებრივი ცვლილებები დაიწყო: ჰაერი ბევრ ქალაქში საგრძნობლად სუფთა გახდა, წყლებში დაბრუნდა თევზი, ველურმა ცხოველებმა კი ქალაქების ქუჩებში თავისუფლად გადაადგილება დაიწყეს.