წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
2–20 აპრილი
12-20 აპრილის პერიოდი ვერძის ნიშნის მესამე დეკადას განეკუთვნება.
ამ დეკადას პლანეტა ვენერა მართავს. ის ამ პერიოდში დაბადებულებს მგრძნობიარობასა და სინაზეს, მგზნებარებასა და იმპულსურობას ანიჭებს.
მნიშვნელოვანი წლებია: 15, 30, 36, 40, 60, 66.
ამ ადამიანთა სიმბოლოა ჰორტენზია.
ამ პერიოდში დაბადებულები გამოირჩევიან კეთილშობილებითა და გულწრფელობით, ხშირად მოქმედებენ თავზეხელაღებულად, დაუდევრად, რამის პირობას დებენ და შემდეგ ავიწყდებათ. ეს იმიტომ არ ხდება, რომ სხვებისთვის ზიანის მიყენება სურთ, არამედ იმიტომ, ასე არიან მოწყობილი ვერძები. თუ ისწავლიან სიტყვის შესრულებას, დანაპირების ასრულებას, მაშინ მათთვის ბუნებისგან მინიჭებული წესიერება და სიკეთე წარმატებების მიღწევაში დაეხმარება.
16 აპრილს დაბადებულები
16 აპრილს დაბადებულები საოცრად ნათელი, ხალისიანი, ღიმილიანი ადამიანები არიან. მათი ბუნებრივი ნიჭია სხვებისთვის სიხარულისა და კარგი განწყობის მინიჭება. ამ ადამიანებმა იციან გულწრფელი ღიმილის ფასი, მათთვის ცნობილია როგორც სიხარულის, ისე სევდის საიდუმლო, ამიტომ ყველა ცხოვრებისეულ განსაცდელს ფილოსოფიური სიმტკიცით იტანენ და არასდროს ივიწყებენ სულიერ სიმხნევესა და პოზიტივის უზარმაზარ მარაგს.
ასტროლოგები, კორონავირუსი და შავი მთვარე: როდის დამთავრდება პანდემია>>
16 აპრილს რთული ხასიათის ადამიანები იბადებიან. მათ ხშირად ეცვლებათ განწყობა, თან არცთუ იშვიათად – უსაფუძვლოდ. ასევე მათი ხასიათის ნიშნებია ჭირვეულობა და ზედმეტი სიჯიუტე, რაც ცხოვრებაში საგრძნობლად უშლის ხელს. რადგან არამდგრადი ადამიანები არიან, უყვართ მოგზაურობა, საცხოვრებელი ადგილის შეცვლა, საერთოდ – ცვლილებები ცხოვრებაში. ამას ხშირად თან სდევს პრობლემები თვითრეალიზაციასთან და საკუთარი გზის პოვნასთან დაკავშირებით. ამ დღეს დაბადებულები არაორდინარული და შემოქმედებითი ადამიანები არიან, ამიტომ სჯობს, თავიანთი მოწოდების ძებნა შემოქმედებითი პროფესიებიდან დაიწყონ.
ამ დღეს დაბადებულებს გარკვეული სიბრძნე აქვთ, მაგრამ მისი სწორად რეალიზება უჭირთ. არ არიან შორსმჭვრეტელები და ამავდროულად, ზედმეტად მიმნდობი არიან, ეს კი მათ წინსვლას აბრკოლებს. მათთვის დამახასიათებელი გულღიაობა და გულწრფელობა ეხმარება კიდეც და ხელსაც უშლის ამ დღეს დაბადებულებს. ერთი შეხედვით, ცოტა „თავქარიანი“ ადამინების შთაბეჭდილებას ტოვებენ, რადგან ნამდვილად სწამთ ოცნებისა, რომლის ხორცშესხმასაც, როგორ წესი, დაუღალავი შრომითა და მოთმინების უნარით ახერხებენ.
16 აპრილს დაბადებულებისთვის უზარმაზარი მნიშვნელობა აქვს ოჯახურ კავშირებს. ისინი აფასებენ თავიანთ ნათესავებს და უყვართ მათთან ყოფნა, მაგრამ, მიუხედავად ამისა, სადავო სიტუაციებში საკუთარ მოსაზრებასა და სურვილებს ყოველთვის პირველ ადგილზე აყენებენ. ამ დღეს დაბადებულები წყენას მალე ივიწყებენ, არ არიან შურისმაძიებლები, მიტომ მათ ეგოიზმს გარშემომყოფები ხშირად პატიობენ.
ზოდიაქოს ნიშნები, რომლებსაც არანაირი კრიზისი არ აშინებს>>
ამ დღეს დაბადებულები რთული და განსაკუთრებული ადამიანები არიან. თითოეულს აქვს თავისი პირადი სამყარო, სადაც ზოგჯერ ჩაიკეტებიან ხოლმე. სხვებისგან მათ ინდივიდუალური ფილოსოფია, კარგი ინტუიცია და სამყაროს ფაქიზი აღქმა განასხვავებს. ისინი მთლიანად ენდობიან და მიჰყვებიან საკუთარ შინაგან ხმას.
ჯანმრთელობა
16 აპრილს დაბადებულები საკუთარ ჯანმრთელობას ძალიან ცოტა ყურადღებას უთმობენ, არ სჩვევიათ რაიმე დაავადებისას მდგომარეობის გაზვიადება და პატარა პრობლემის დროსაც ექიმთან სასწრაფოდ გაქცევა. ეს შეიძლება იმიტომ ხდება, რომ ზოგადად, კარგი ჯანმრთელობა აქვთ. კვების რაციონს კი ნამდვილად სჭირდება ყურადღების მიქცევა. თუ ცუდად გრძნობენ თავს, ეს, უმეტესწილად, არასწორი კვების გამო ხდება.
რჩევა:
დააფასეთ ადამიანები, რომლებიც თქვენ მიმართ გულგრილი არ არიან. შეეცადეთ, გააკონტროლოთ თქვენი ეგოიზმი და საერთოდ, თვითკონტროლი ისწავლოთ. თუ ადამიანს კარგად არ იცნობთ, მასთან ზედმეტად გულწრფელი ნუ იქნებით. გახსოვდეთ წარსული, იცხოვრეთ აწმყოთი და იფიქრეთ მომავალზე.