საგანგებო მდგომარეობა საქართველოში 21 მარტს გამოცხადდა, ხოლო 31 მარტიდან დაწესდა საკომენდანტო საათი საღამოს 21:00-დან დილის 06:00-მდე - ამ დროს მოქალაქეებს ეკრძალებათ ქუჩაში გასვლა სპეციალური ნებართვის გარეშე.
საკომენდანტო საათის მოქმედების პერიოდში დაახლოებით 1400 დარღვევა დაფიქსირდა. ჯარიმა საკმაოდ დიდია - სამი ათასი ლარი.
შეზღუდვებისა და აკრძალვების სიაში შევიდა ტაქსის მუშაობისა და მსუბუქი ავტომობილების მკაცრი რეგლამენტი: არ შეიძლება ორზე მეტი მგზავრის აყვანა, ორივე მათგანი უნდა იჯდეს უკანა სავარძელზე. აკრძალულია სამ ადამიანზე მეტის ერთად შეკრება, გარდა მაღაზიებისა და აფთიაქების, აუცილებელია სოციალური დისტანციის დაცვა. და ეს ყველაფერი, რა თქმა უნდა, საღამოს ცხრა საათის დადგომამდე.