ბზობას ბიბლიური ისტორიის ერთ-ერთი მოვლენა აღინიშნება: იესო შევიდა იერუსალიმში, სადაც იგი ჯვარს უნდა ეცვათ. ქალაქის მოსახლეობა, რომელთაც სასწაულის შესახებ ამბები გაეგოთ, იესოს შეეგებნენ როგორც მეფესა და მესიას - სწამდათ, რომ ის მათ რომაული მმართველობისგან გაათავისუფლებდა. იერუსალიმისკენ მიმავალს ხალხი სამოსელს უფენდა გზაზე, ზოგს კი პალმის რტოები ეკავა და ასე ეგებებოდა მაცხოვარს.
ასე დაიბადა ბზობის დღესასწაული და ეკლესიაში ბზის (პალმის ნაცვლად) კურთხევის ტრადიცია. ღვთისმსახურების შემდეგ ბზას ხატებთან ათავსებენ და მომავალ წლამდე ინახავენ.
თბილისში და მთელ საქართველოში ბზობა ყველა მოქმედ ეკლესიასა და ტაძარში აღინიშნა.