1994 წლიდან ქართული პოდიუმის უცვლელი სახე კრისტი ყიფშიძე 42 წლის ასაკშიც არაჩვეულებრივად გამოიყურება და სარეკლამო ფოტოსესიებსა თუ ქართული დიზაინერების ჩვენებებში დღემდე აქტიურად მონაწილეობს. სოციალურ ქსელებში კრისტი არაერთ თამამ ფოტოს აქვეყნებს. მსახიობი გიორგი ყიფშიძე კრისტი ყიფშიძეზე ადრეულ ასაკში დაქორწინდა. თბილისში გაზრდილი სომხური წარმომავლობის მოდელი უცხო გარეგნობით გამოირჩევა. მას ხშირად ესპანელ მსახიობს პენელოპა კრუზს ადარებენ. წყვილს ერთი ქალიშვილი ნატალია ყიფშიძე ჰყავს, რომელმაც სკოლა ახლახან დაამთავრა და მომავალი ციფრულ მედიას დაუკავშირა.
კრისტი სახლში თვითიზოლაციის რეჟიმშია, რაც მის ტანსა და სახეზეც აისახა. ცნობილი ფოტომოდელი და ინფლუენსერი Instagram-ზე სახალისო ფოტოს აქვეყნებს. აშკარაა, რომ მოდელს დასვენება ძალიან მოუხდა. ამას მისი მეგობრებიც აღნიშნავენ და უერთდებიან. მათ შორის არიან ცნობილი ქართველი მსახიობები და მომღერლები. კრისტიმ ორი გამორჩეული სურათი თვითიზოლაციის პირობებში გამოაქვეყნა.
მას ტრენდული შავი და ყვითელი სახის ნიღბები კანს ულამაზებს. პოპულარული მოდელი შეუდარებლად გამოიყურება, მის ასაკში ეჭვიც კი ეპარებათ. ქალბატონები სოციალური ქსელის კომენტარებში სილამაზისა და მისი შენარჩუნების საიდუმლოს გამხელას ხშირად სთხოვენ. კრისტის განცხადებით, მას განსაკუთრებული ძალისხმევა არ სჭირდება, ყველაფერი გენეტიკის დამსახურებაა.