ჯანდაცვის მსოფლიო ორგანიზაციის მონაცემებით, კორონავირუსით დაავადებულთა რაოდენობამ მსოფლიოში 1,3 მილიონს გადააჭარბა. ევროპაში ყველაზე მეტი ადამიანი დავირუსდა იტალიასა და ესპანეთში, თუმცა ამ ქვეყნებში ერთ დღე-ღამეში დაღუპულთა რაოდენობა მცირდება, რაც მცირეოდენ იმედს იძლევა, რომ პანდემიის პიკი უკანაა მოტოვებული.
მეცნიერები მთელ მსოფლიოში ცდილობენ ეფექტური მკურნალობის აღმოჩენას, ასევე COVID-19-ის საწინააღმდეგო ვაქცინის შექმნას. ამერიკელმა მეცნიერებმა გამოაქვეყნეს ფოტოები, თუ როგორ უტევს კორონავირუსი დაავადებულის ორგანიზმში უჯრედებს.